Pathian Thlawchuah Rel Usih
05/09/2012 23:20
Pathian thlawchuah rel hna u sih!
Plalm 118:23 – Cucu Bawipa tuahmi a si, zeitluk in dah aa dawh!
Hi Bible caang te hi tampi hrilh fiah len cu kai tim lo nain a tawinak bikin van langhter ta ka duhmi cu Nangmah le keimah tuahmi asi lo Bawipa tuahmi asi ti te hin van thok ta ka duh. Voi tampi cu kan hmuhmi thlawchuah hna hi a ho sinin dah an rat ti ruat loin kanmah le kanmah credit kan i pe tawn i Pathian sinah lawmhnak bia chim kan daithlang tawn.
Voikhat cu nungak tlangval ai daw tukmi an um. A nungak nu cu mitcaw asi. Nungak nu caah cun vawlei ah hin a tlangval pa dah tilo cu a ca hrangah dawttu dang hohmanh an um lo. Zeicatiah nu le pa, u ne nau zong a ngei lomi asi. Hawi kom zong a ngei hna lo. A tlangval pa nih cun a herhnak poah ah a bawmh, thazang a pek, a zeizong te hi a nungak nu caah a peksian. Tlangval pa nih a dawtnak cu a nungngak nih a hmuh tikah, ‘Ka ta, ka mit khua hi hei hmu than ning law nangmah he then ti lo dingin sem kan cawi ti hnga’ tiah a saduh thah bia cu a hei ruah.Caan tlawmpal a hung liam hnu-ah mitcaw nungak nute caah cun mitmu hlutu an hung um caah a mit cu operation tuah I mitmu an hlutmi cu benhpiak. A hung dam I sibawi tenih a mittuam phoih dingah ani an tuk hna ni cu a hung phan i a tlangbal pa te zong nih cun I hngahhlang ngaiin a pawng te cun a hngah ve ko. A mit tuam an vun phoihpiak i khua cu a hung hmu taktak. Hmuh a rak i ngeih tukmi a tlangvalpa mui hmai cu a vun hmuh khawh cang. Asinain nungak nu caah a ruahning bantuk a rak si lo ai –a tlangval pa cu a mit a rak caw ve. Cucu a nungak nu nih a hmuh tikah a lung rawk tuk. Keimah hmanh mitcaw ka rak si nak ruangah harnak tamtuk ka rak tong i a tu ka mit a hong hmuh leisang i ka vat dingmi ka pasal hna mitcaw a si than ding cu asi kho lo ati caah a tlangval pa cu ‘kan va ko lai lo’ tiah a biakam cu a let ruangmah ko. A tlangval pa cu a ngeih a chia tuk ca pakuat a tialta i a hlatnak bik hmun ah lodiam a kal. Cakuat cu, “Ka dawt tukmi ka far, kan dawt tuk caah ka zeizong te hi na caah ka sian. Siseh nangnih cun ruunkhat lenti ding ah na phu lo na ti caah keicu lung kuai in ka liam cang lai. Nang tu dam tein um rak i zuam. Atu na mit khua zong tha tein na hmuh cang caah kai lawm tuk. Kha na mitmu kha tha tein kilven rak i zuam. Kha mitmu kha keimah mitmu arak sinain kan dawttuk caah nangmah caah kan pekmi asi. Atu cu nangmah nih rak hmang law nuam tein rak leng ko kun. A zungzal in mang tha law. Na hlawtcia na ta” tiah nungak nu nih a vun rel ahcun hi tluk in dah arak ka dawt I keinih a ka dawtnak ka theihthiam lo a ti i thinlung kekkuai mitthli tla in a tlangval pa zun cuai in a leng than.
Hi tuanbia zoh hin a tanglei biahalnak hi kanma te cio in raki hal dingah kan sawm hna:
1. Tuchun ah na phanhnak ram na zanmang hmanh in na rak manh ngam ballo mi ram na phanh khawhmi hi a ho thawngin dah asi? An petu sinah lawmhnak bia na chim tawn maw?
2. Tuchun nai mongmi na motor car hi a ho sin in na hmuhmi dah asi? Na ruat bal maw? Lawmhnak bia the na chim cang maw?
3. Kawlram kan um lio ah Christmas le kumthar can lawngah sa a rak ei tawnmi nang le kei nih tuchun ni ah kan ei dinmi rawl thaw thaw hna na ei ah khin teh thlaw chuah a kan petu Pathian sinah lunglawmhnak bia na chim tawn maw?
4. Lai lei inn zut tangah khua a rak sami nanglei ke nih tuchun ah kan umnak inn lei lo hna hi tuak in thlawchuah petu Pathian sinah lawmhnak bia na chim tawn maw?
5.Tuchun ni ah nai hrukmi fenheih le na ngeihmi thil vialte hna hi khoi ka in dah an rat ti the na ruat tawn maw?
Thlawchuah petu Pathian a ngeih chiat tertu siloin a sinah ai lawmmi kan si khawhnak lai Pathian nih thlaw chuah kan pekpiak ko seh! Amen.
Pastor Lian Hram