A Ceu Cang E
Lei kil li tlawng, chuah sempi rual
Chanthar thawngzaam, maivan ca in
Lung lawmhnak thawng, vun thanh hna maw
Pathian dawtmi, kan khuate cu
A ceu cang e, Hallelujah!
Chun ni lin le, ti al lakah
Paiper bei le, Lai hreitlung he
Thlan hri put in, chosang kai zong
Hau ti lai lo, sempi hawidawt
A ceu cang e, lungrawn khua dawh
Zan lam len ah, meifar vanh in
Meifar khu zik, mitthli tla he
Kan rak leng tawn, khu hluaimai in
Atu ahcun, sui khua tha bang
A ceu cang e, lawm cio ulaw.
Lai lungrawn khua, hlum hawidawt rual
Nan retheihnak thlan ti man le
Ramleng ummi, unau rual hna
Nan pekchanhnak sunglawi thawngin
A ceu cang e, Vanzang khua dawh.
Maw Khawzing aw, na tha tuk e
San tlai lo khua, si hmanh u sih
Vanzang khuate, na dawtnak hi
A sung tuk e, kan nih caah
A ceu cang e, semnak lungrawn
Dawtmi unau, thla cam usih
Cung Pathian nih, kilveng hram seh
Haipizung um, ti khampi cu
Thate zohkhenh, I zuam usih
Ceu camcin seh chan dongh tiangin